വെള്ളിത്തിളക്കവുമായി മുഹമ്മയുടെ ആദിദേവ്; ദേശീയ കുഡോ ചാംപ്യൻഷിപ്പിലേക്ക് അഭിമാന കുതിപ്പ്

മുഹമ്മ: കായികരംഗത്ത് വീണ്ടും അഭിമാന നേട്ടം കുറിച്ച് മുഹമ്മയുടെ മിടുക്കൻ. അഞ്ചാമത് കേരള സ്റ്റേറ്റ് കുഡോ ചാംപ്യൻഷിപ്പിൽ വെള്ളി മെഡൽ നേടി ദേശീയ മത്സരത്തിലേക്ക് യോഗ്യത നേടിയിരിക്കുകയാണ് മുഹമ്മയിലെ ആദിദേവ് ജയേഷ്.

തിരുവനന്തപുരം വേദിയായ സംസ്ഥാന ചാംപ്യൻഷിപ്പിൽ നടന്ന അണ്ടർ-14 ആൺകുട്ടികളുടെ 39 കിലോ വിഭാഗത്തിൽ മികച്ച പ്രകടനം കാഴ്ചവെച്ചാണ് ഏഴാം ക്ലാസ് വിദ്യാർഥിയായ ആദിദേവ് വെള്ളി മെഡൽ സ്വന്തമാക്കിയത്. ഈ നേട്ടത്തോടെ നവംബർ 12 മുതൽ 19 വരെ ഗുജറാത്തിലെ അഹമ്മദാബാദിൽ നടക്കുന്ന ദേശീയ കുഡോ ചാംപ്യൻഷിപ്പിൽ കേരളത്തെ പ്രതിനിധീകരിക്കുന്ന ടീമിലും ആദിദേവ് ഇടം നേടി.

മുഹമ്മ കാവുങ്കൽ വടക്കേവെളി വീട്ടിൽ ജയേഷിന്റെയും അനന്യ അശോകിന്റെയും മകനായ ആദിദേവ്, മുഹമ്മ കെ.ഇ. കാർമൽ സെൻട്രൽ സ്കൂളിലെ ഏഴാം ക്ലാസ് വിദ്യാർഥിയാണ്.

കായികമികവും ആത്മവിശ്വാസവും അച്ചടക്കവും കൈമുതലാക്കി സംസ്ഥാനതലത്തിൽ വെള്ളി മെഡൽ നേടിയ ആദിദേവിന്റെ ഈ നേട്ടം മുഹമ്മയ്ക്കാകെ അഭിമാന നിമിഷമായി മാറുകയാണ്. ദേശീയ വേദിയിലും മികച്ച പ്രകടനം കാഴ്ചവെച്ച് കേരളത്തിനും മുഹമ്മയ്ക്കും കൂടുതൽ അഭിമാനം സമ്മാനിക്കട്ടെയെന്നാണ് നാട്ടുകാരുടെയും അധ്യാപകരുടെയും കായികപ്രേമികളുടെയും ആശംസ.

മുഹമ്മയുടെ മിടുക്കന് ഹൃദയം നിറഞ്ഞ അഭിനന്ദനങ്ങൾ… ദേശീയ ചാംപ്യൻഷിപ്പിലും വിജയക്കൊടി പാറട്ടെ! 🌟