🛵 മുഹമ്മയിലെ മത്സ്യത്തൊഴിലാളി വനിതകൾക്ക് സുവർണാവസരം; ‘ഷീ സ്കൂട്ടർ’ പദ്ധതിയിലേക്ക് അപേക്ഷ ക്ഷണിച്ചു

മുഹമ്മ: മത്സ്യത്തൊഴിലാളി വനിതകളുടെ ഉപജീവനമാർഗങ്ങൾ കൂടുതൽ ശക്തിപ്പെടുത്തുന്നതിനും ദൈനംദിന യാത്രകൾ എളുപ്പമാക്കുന്നതിനുമായി ഫിഷറീസ് വകുപ്പിന്റെ സൊസൈറ്റി ഫോർ അസിസ്റ്റൻസ് ടു ഫിഷർ വുമൺ (SAWF) മുഖേന നടപ്പാക്കുന്ന ‘ഷീ സ്കൂട്ടർ’ (ഇലക്ട്രിക്) പദ്ധതിയിലേക്ക് അപേക്ഷകൾ ക്ഷണിച്ചു.

മത്സ്യത്തൊഴിലാളി കുടുംബ രജിസ്റ്ററിൽ ഉൾപ്പെട്ട വനിതകൾക്കും, അഞ്ച് വർഷമായി മികച്ച രീതിയിൽ പ്രവർത്തിക്കുന്ന SAWF യൂണിറ്റുകളിലെ അംഗങ്ങൾക്കും പദ്ധതിയുടെ ആനുകൂല്യം ലഭിക്കും.

പദ്ധതിയിലൂടെ ഇലക്ട്രിക് സ്കൂട്ടർ വാങ്ങുന്നതിനായി പരമാവധി ഒരു ലക്ഷം രൂപ വരെ ഗ്രാന്റ് അനുവദിക്കും. തൊഴിൽ ആവശ്യങ്ങൾക്കായുള്ള യാത്രകൾ കൂടുതൽ സൗകര്യപ്രദമാക്കുകയും സ്ത്രീകളുടെ സാമ്പത്തിക സ്വയംപര്യാപ്തതയ്ക്ക് കരുത്തേകുകയും ചെയ്യുന്നതാണ് പദ്ധതിയുടെ പ്രധാന ലക്ഷ്യം.

അർഹരായ മത്സ്യത്തൊഴിലാളി വനിതകൾ ഈ അവസരം പ്രയോജനപ്പെടുത്തി സമയബന്ധിതമായി അപേക്ഷ സമർപ്പിക്കണമെന്ന് ഫിഷറീസ് വകുപ്പ് അറിയിച്ചു.

📞 കൂടുതൽ വിവരങ്ങൾക്ക്

• 94962 08766
• 88919 10160