🌼 മുഹമ്മയ്ക്ക് തൊട്ടരികിൽ പൂവസന്തം; കഞ്ഞിക്കുഴിയിൽ 30,000 പൂക്കൾ വിരിഞ്ഞു — ഓണാഘോഷത്തിന് വർണാഭമായ തുടക്കം 🌼

കഞ്ഞിക്കുഴി: ഓണം വരവറിയിച്ചതോടെ കഞ്ഞിക്കുഴി അക്ഷരാർത്ഥത്തിൽ പൂക്കളുടെ നാടായി മാറുകയാണ്. 🌸🌼

മായിത്തറയിൽ കർഷകനായ വി.പി. സുനിൽ മൂന്നേക്കർ സ്ഥലത്ത് ഒരുക്കിയ പൂപ്പാടത്തിൽ 20,000 ചെണ്ടുമല്ലിയും 10,000 വാടാമല്ലിയും അഞ്ചു നിറങ്ങളിലായി വിരിഞ്ഞുനിൽക്കുകയാണ്. കണ്ണെത്തും ദൂരത്തോളം നിറഞ്ഞുനിൽക്കുന്ന പൂക്കൾ കാണാൻ ഇതിനോടകം സന്ദർശകരും എത്തിത്തുടങ്ങി.

🌼 കഞ്ഞിക്കുഴി പുഷ്പോത്സവം ജില്ലാ കളക്ടർ ഷാജി വി. നായർ ഉദ്ഘാടനം ചെയ്തു.

അത്തം മുതൽ തിരുവോണം വരെ എല്ലാ ദിവസവും പൂക്കൾ ലഭ്യമാകുന്ന രീതിയിലാണ് കൃഷി ക്രമീകരിച്ചിരിക്കുന്നത്. ഒരു ഭാഗത്തെ പൂക്കൾ വിളവെടുത്ത് തീരുമ്പോഴേക്കും അടുത്ത ഭാഗത്ത് പൂക്കൾ വിരിയുന്ന തരത്തിലാണ് പൂന്തോട്ടം ഒരുക്കിയിരിക്കുന്നത്.

🌸 ഓണപ്പൂക്കൾക്കായി തമിഴ്നാടിനെ മാത്രം ആശ്രയിക്കേണ്ട… നമ്മുടെ നാട്ടിലും പൂക്കൾ വിരിയുകയാണ്!

പഞ്ചായത്തിന്റെയും കൃഷിഭവന്റെയും പിന്തുണയോടെ കർഷകർക്ക് പുറമെ കുടുംബശ്രീ, സ്വാശ്രയസംഘങ്ങൾ എന്നിവരും പൂക്കൃഷിയുമായി രംഗത്തുണ്ട്.

📍 മുഹമ്മയിൽ നിന്ന് അധികം ദൂരെയല്ലാതെ കുടുംബത്തോടൊപ്പം എത്തി കാണാവുന്ന മനോഹരമായ ഓണക്കാഴ്ച കൂടിയാണ് കഞ്ഞിക്കുഴിയിലെ ഈ പൂവസന്തം.

അത്തം പിറന്നു… ഇനി പത്തുനാൾ പൂക്കളങ്ങളുടെ കാലം! 🌼
ഓണത്തെ വരവേൽക്കാൻ കഞ്ഞിക്കുഴി ഒരുങ്ങിക്കഴിഞ്ഞു… ❤️