മുഹമ്മയുടെ അഭിമാനം – സംവിധായകൻ ശ്രീരാജ് ബാബു

മുഹമ്മ ജംഗ്ഷന് സമീപത്തെ കാർത്തിക നിവാസിൽ നിന്നുള്ള സംവിധായകൻ ശ്രീ രാജ് ബാബു, കഴിഞ്ഞ 35 വർഷത്തിലേറെയായി മലയാള സിനിമാരംഗത്ത് സജീവ സാന്നിധ്യമാണ്.

സഹസംവിധായകനായി സിനിമയിലേക്കെത്തിയ അദ്ദേഹം, തന്റെ ഭാവനയും ദൃശ്യാവിഷ്കാര മികവും കൊണ്ട് മലയാളത്തിലെ പ്രമുഖ സംവിധായകരായ ജോഷി, പി. ജി. വിശ്വംഭരൻ, ജയരാജ്, ഷാജി കൈലാസ്, വേണു നാഗവള്ളി, പോൾ ഞാറക്കൽ, സംഗീത് ശിവൻ, സന്തോഷ് ശിവൻ തുടങ്ങിയവർക്കൊപ്പം പ്രവർത്തിച്ചു.

തുടർന്ന് സംവിധായകനെന്ന നിലയിൽ അരങ്ങേറ്റം കുറിച്ചത് “ചീഫ് മിനിസ്റ്റർ കെ. ആർ. ഗൗതമി” എന്ന ചിത്രത്തിലൂടെയാണ്. പിന്നീട് 2006-ൽ ദിലീപ് നായകനായ “ചെസ്സ്” എന്ന സൂപ്പർഹിറ്റ് ചിത്രത്തിലൂടെ മലയാള സിനിമയിൽ സംവിധായകനെന്ന നിലയിൽ തന്റെ വ്യക്തിമുദ്ര പതിപ്പിച്ചു. പ്രേക്ഷകരും സിനിമാപ്രേമികളും ഒരുപോലെ ഏറ്റെടുത്ത ചിത്രമായിരുന്നു ചെസ്സ്.

അതിനുശേഷം പൃഥ്വിരാജും ജയസൂര്യയും അഭിനയിച്ച “കങ്കാരു”, ജയറാമും ബിജു മേനോനും പ്രധാന വേഷങ്ങളിലെത്തിയ “ഉലകം ചുറ്റും വാലിബൻ”, ദിലീപ് നായകനായ “കളേഴ്സ്”, നിരവധി പുരസ്കാരങ്ങൾ നേടിയ “ചാട്ടുളി” എന്നിവ ഉൾപ്പെടെ ശ്രദ്ധേയമായ മലയാള ചിത്രങ്ങൾ സംവിധാനം ചെയ്തു. കൂടാതെ തമിഴിൽ “Sei” എന്ന ചിത്രത്തിലൂടെയും തന്റെ സംവിധാന മികവ് തെളിയിച്ചു.

പുതിയ സിനിമയുടെ പ്രവർത്തനങ്ങളുമായി മുന്നേറുന്ന മുഹമ്മയുടെ സ്വന്തം സംവിധായകൻ ശ്രീ രാജ് ബാബുവിന്, ഇനിയും മികച്ച ദൃശ്യസൃഷ്ടികൾ മലയാള സിനിമയ്ക്ക് സമ്മാനിക്കാൻ സർവശക്തൻ അനുഗ്രഹിക്കട്ടെ. അദ്ദേഹത്തിന്റെ കലായാത്ര കൂടുതൽ ഉയരങ്ങളിലെത്തട്ടെയെന്ന് ആശംസിക്കുന്നു.