24 വർഷം പിന്നിട്ടിട്ടും മായാത്ത കണ്ണീർ; മുഹമ്മ-കുമരകം ബോട്ടുദുരന്തത്തിന്റെ വേദന ഇന്നും ജീവിക്കുന്നു
മുഹമ്മ: വേമ്പനാട്ട് കായലിന്റെ ശാന്തതയെ ഒരു നിമിഷം കൊണ്ട് കണ്ണീരിലാഴ്ത്തിയ മുഹമ്മ–കുമരകം ബോട്ടുദുരന്തത്തിന് ഇന്ന് 24 വർഷം. 2002 ജൂലൈ 27-ന് നടന്ന ആ ദുരന്തത്തിൽ ഒരു പിഞ്ചുകുഞ്ഞ് ഉൾപ്പെടെ 29 ജീവനുകളാണ് കായലിന്റെ ആഴങ്ങളിൽ പൊലിഞ്ഞത്. മരിച്ചവരിൽ ഏറെയും മുഹമ്മയുടെ പ്രിയപ്പെട്ട മക്കളായിരുന്നു.
കാലം രണ്ട് പതിറ്റാണ്ടുകൾ പിന്നിട്ടിട്ടും ആ മുറിവ് ഇന്നും ഉണങ്ങിയിട്ടില്ല. ഓരോ ജൂലൈ 27-ഉം എത്തുമ്പോൾ മുഹമ്മ ബോട്ട് ജെട്ടിയും വേമ്പനാട്ട് കായലും നിശ്ശബ്ദമായി ആ കണ്ണീരോർമകൾ വീണ്ടും പറയുകയാണ്.
ദുരന്തത്തിന് പിന്നാലെ സുരക്ഷ ശക്തമാക്കുമെന്ന വാഗ്ദാനങ്ങൾ ഉയർന്നെങ്കിലും, ഇന്നും മുഹമ്മ–കുമരകം സർവീസിൽ പഴയ ബോട്ടുകളും അപര്യാപ്തമായ സൗകര്യങ്ങളും തുടരുന്നത് യാത്രക്കാരുടെ ആശങ്ക വർധിപ്പിക്കുകയാണ്.
ഇന്ന് മുഹമ്മ ബോട്ട് ജെട്ടിയിൽ ദുരന്തത്തിൽ ജീവൻ നഷ്ടമായവരുടെ സ്മരണയ്ക്കായി അനുസ്മരണ ചടങ്ങുകളും ദീപം തെളിയിക്കലും നടക്കും. ഓർമ്മകൾ മങ്ങുന്നില്ല… കണ്ണീരും അവസാനിക്കുന്നില്ല.
