വീണ്ടും മഴ ശക്തമാകും; ആലപ്പുഴയിൽ വ്യാഴാഴ്ച Yellow അലർട്ട്—മുഹമ്മയിലും ജാഗ്രത വേണം

മുഹമ്മ: ചെറിയ ഇടവേളയ്ക്കുശേഷം സംസ്ഥാനത്ത് വീണ്ടും മഴ ശക്തമാകുന്നു. ഒറ്റപ്പെട്ട പ്രദേശങ്ങളിൽ ശക്തമായ മഴയ്ക്ക് സാധ്യതയുള്ളതിനാൽ ആലപ്പുഴ ഉൾപ്പെടെ വിവിധ ജില്ലകളിൽ കേന്ദ്ര കാലാവസ്ഥ വകുപ്പ് Yellow അലർട്ട് പ്രഖ്യാപിച്ചു.

സെപ്റ്റംബർ 10 വ്യാഴാഴ്ച ആലപ്പുഴ, എറണാകുളം ജില്ലകളിലാണ് Yellow അലർട്ട്. അതിനാൽ മുഹമ്മയിലും സമീപപ്രദേശങ്ങളിലും താമസിക്കുന്നവർ ജാഗ്രത പാലിക്കണം.

മഞ്ഞ അലർട്ട് പ്രഖ്യാപിച്ച ജില്ലകൾ

📍 സെപ്റ്റംബർ 10: ആലപ്പുഴ, എറണാകുളം
📍 സെപ്റ്റംബർ 11: പത്തനംതിട്ട, കോട്ടയം, ഇടുക്കി, എറണാകുളം
📍 സെപ്റ്റംബർ 12: പത്തനംതിട്ട, ഇടുക്കി, എറണാകുളം, പാലക്കാട്

ഒറ്റപ്പെട്ട സ്ഥലങ്ങളിൽ 24 മണിക്കൂറിനുള്ളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാമെന്നാണ് മുന്നറിയിപ്പ്. ശക്തമായ മഴയെ തുടർന്ന് താഴ്ന്ന പ്രദേശങ്ങളിൽ വെള്ളക്കെട്ട്, റോഡുകളിൽ ഗതാഗതതടസ്സം, കാഴ്ചക്കുറവ് എന്നിവയ്ക്കും സാധ്യതയുണ്ട്.

യാത്രയ്ക്കിറങ്ങുന്നവർ കാലാവസ്ഥാ മുന്നറിയിപ്പുകളും ഗതാഗത നിർദേശങ്ങളും ശ്രദ്ധിക്കണം. വെള്ളക്കെട്ടുണ്ടാകാൻ സാധ്യതയുള്ള സ്ഥലങ്ങളിലൂടെയുള്ള യാത്ര ഒഴിവാക്കുകയും ദുർബലമായ കെട്ടിടങ്ങൾക്കും മരങ്ങൾക്കും സമീപം നിൽക്കാതിരിക്കുകയും വേണം.

സെപ്റ്റംബർ 9 ഉച്ചയ്ക്ക് ഒരുമണിക്ക് പുറത്തിറക്കിയ ഔദ്യോഗിക അറിയിപ്പിലാണ് മുന്നറിയിപ്പ് നൽകിയിരിക്കുന്നത്. കേരള സംസ്ഥാന ദുരന്തനിവാരണ അതോറിറ്റി, കേന്ദ്ര കാലാവസ്ഥ വകുപ്പ് എന്നിവയാണ് വിവരങ്ങളുടെ ഉറവിടം.

⚠️ കാലാവസ്ഥാ മുന്നറിയിപ്പുകൾ ശ്രദ്ധിക്കുക; സുരക്ഷിതരായിരിക്കുക.