സദ്യയ്ക്ക് പായസം ലഭിച്ചില്ല: വിളമ്പുകാരനെ കല്ലുകൊണ്ട് ഇടിച്ചു, പിന്നാലെ വീട്ടിൽ കയറി അതിക്രമം; അറസ്റ്റ്

ആലപ്പുഴ സദ്യയ്ക്ക് പായസം ലഭിക്കാത്തതിനു വിളമ്പുകാരനെ
ആക്രമിച്ചയാൾ അറസ്റ്റിൽ. വഴിച്ചേരി സെന്റ് ജോർജ് തെരുവിൽ റിച്ചാർഡ് ദാസ് ഭവനത്തിൽ ജോസിനെയാണ് (32) ആണ് സൗത്ത് പൊലീസ് അറസ്റ്റ് ചെയ്തു ജാമ്യത്തിൽ വിട്ടത്.
വഴിച്ചേരി മാർക്കറ്റിനു സമീപം ഓഡിറ്റോറിയത്തിൽ കഴിഞ്ഞദിവസം നടത്തിയ നേർച്ചസദ്യയുടെ മധ്യേയാണ് പായസം കിട്ടിയില്ലെന്ന പേരിൽ ജോസ് ബഹളംവച്ച് വഴിച്ചേരി വലിയ വീട്ടിൽ സാജു ആന്റണിയെ കല്ലുകൊണ്ട് ഇടിച്ചത്. പിന്നീട് അദ്ദേഹത്തിന്റെ വീട്ടിലെത്തി അമ്മയെയും സഹോദരിയെയും ഭീഷണിപ്പെടുത്തുകയും വീട്ടുപകരണങ്ങൾ നശിപ്പിക്കുകയും ചെയ്തു.