പള്ളിക്കുന്നിൽ തെരുവുനായ ശല്യം

കടി പേടിച്ച് മുഹമ്മ നാട്

തെരുവുനായ ശല്യം മൂലം വലഞ്ഞ് മുഹമ്മ പഞ്ചായത്തിലെ പള്ളിക്കുന്ന് നിവാസികൾ.
പ്രദേശത്തെ അങ്കണവാടിയിൽ പഠിക്കുന്ന കുട്ടികൾ, വയോജനങ്ങൾ ക്ഷേത്ര സന്ദർശകർ എന്നിവർക്കാണ് തെരുവു നായ്ക്കൾ ഭീഷണിയാകുന്നത്. തെരുവ് നായ്ക്കൾ കുട്ടമായി സഞ്ചരിക്കുകയും വഴിയാത്രക്കാരെ പിന്തുടരുകയും ചില സന്ദർഭ ങ്ങളിൽ ആക്രമണ സ്വഭാവം കാണിക്കുകയും ചെയ്യുന്നുണ്ട്. നിലവിൽ നായ്ക്കളെ ഭയന്ന് പകൽ നേരങ്ങളിൽ പോലും സുരക്ഷിതമായി സഞ്ചരിക്കാനാവാത്ത അവസ്ഥയാണ്. തെരുവുനായ്ക്കൾക്ക് ചിലർ ഭക്ഷണം നൽകുന്നതാണ് ഇവ പെറ്റുപെരുകാൻ കാരണമെന്ന് നാട്ടുകാർ പറഞ്ഞു. പലതവണ പരാതികൾ നൽകിയിട്ടും പഞ്ചായത്ത് അധികൃതർ യാതൊരു നടപടിയും സ്വീകരിച്ചിട്ടില്ലെന്ന് ആക്ഷേപമുണ്ട്.