വാഹനാപകടം: ചികിത്സയിലിരുന്നയാൾ മരിച്ചു

മുഹമ്മ വാഹനാപകടത്തെത്തുടർന്ന് വണ്ടാനം മെഡിക്കൽ കോളജിൽ ചികിത്സയിലായിരുന്ന മണ്ണഞ്ചേരി ഗ്രാമപഞ്ചായത്ത് 13-ാം വാർഡ് പന്നിശേരിവെളി ജി. പുഷ്കരൻ (65) മരിച്ചു.
ഫെബ്രുവരി ആറിന് വൈകിട്ട് വലിയകലവൂർ ആനകുത്തി പാലത്തിനു സമീപം ഭാര്യയോടൊപ്പം റോഡിലൂടെ നടന്നുപോകവേ അമിത വേഗത്തിൽ പിന്നിൽനിന്നു വന്ന ഇരുചക്ര വാഹനം ഇടിച്ചു തെറിപ്പിക്കുക യായിരുന്നു.
ഇടിയുടെ ആഘാത്തിൽ ദൂരെ തെറിച്ചുവീണ പുഷ്കരനെ സമീപവാസികൾ ചേർന്ന് ആദ്യം പ്രൊവിഡൻസ് ഹോസ്പിറ്റലിൽ എത്തിക്കുകയും ഗുരുതരമായതിനെത്തുടർന്ന് വണ്ടാനം മെഡിക്കൽ കോളജിൽ വെന്റിലേറ്ററിൽ പ്രവേശിപ്പിക്കുകയും ചെയ്തു. ചികിത്സയിലിരിക്കെയാണ് മരിച്ചത്. സ്വകാര്യഹൗസ് ബോട്ടിലെ പാചകത്തൊഴിലായാണ്. ഭാര്യ പ്രഭാകുമാരി, മക്കൾ ജിബിമോൻ, ജിൻസി മോൻ.