25 മോഷണക്കേസിലെ പ്രതി തമിഴ്നാട് സ്വദേശിനി അറസ്റ്റിൽ

01 June 2026
ആലപ്പുഴ: കേരളത്തിലും ഇതരസംസ്ഥാനങ്ങളിലും മോഷണം നടത്തിയ സംഘത്തിലെ സ്ത്രീയെ അറസ്റ്റ് ചെയ്തു. പല പേരുകളിൽ കേരളത്തിലുടനീളം മോഷണക്കേസുകളിൽ പ്രതിയായ തമിഴ്നാട് സ്വദേശി നി വാസുകിയാണ് അറസ്റ്റിലായത്.

ദുർഗ, കാമാക്ഷി, സരസ്വതി എന്നീ പേരുകളിലും ഇവർ അറിയപ്പെടുന്നുണ്ട്. കെഎസ്ആർടിസി ബസിൽ മോഷണം നടത്തിയതിനാണ് കരീലക്കുളങ്ങര പോലീസ് കഴിഞ്ഞദിവസം ഇവരെ അറസ്റ്റ് ചെയ്തത്. വെള്ളിയാഴ്ച രാവിലെ10.45ന് ഡാണാപ്പടി ജംഗ്ഷനിൽനിന്നു കരീലക്കുളങ്ങര എൽമെക്സ് ആശുപത്രിയിലേക്ക് കെഎസ്ആർടിസി ബസിൽ വന്നയാളുടെ പണമാണ് ഇവർ കവർന്നത്. യാത്ര ചെയ്തയാളു ടെ ഷോൾഡർ ബാഗിന്റെ അറയിൽനിന്ന് 8,500 രൂപയാണ് മോഷ്ടിച്ചത്.

ബസുകളും ആരാധനാലയങ്ങളും ഉത്സവങ്ങളും മറ്റും കേന്ദ്രീകരിച്ച് മോഷണം നടത്തുന്ന സംഘത്തിലെ പ്രധാനിയാണ് വാസുകിയെന്ന് പോലീസ് പറഞ്ഞു. കേരളത്തിൽ വിവിധ ജില്ലകളിലായി 25 ഓളം മോഷ ണക്കേസുകളിൽ പ്രതിയാണ് ഇവർ.

കരീലക്കുളങ്ങര എസ്എച്ച്ഒ പി.ജെ. നോബിൾ, അൻവർ സാദിഖ്, ശ്രീകുമാർ, അനി, സബീഷ്, ദീപക്, രഞ്ജി രവീന്ദ്രൻ എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. പ്രതിയെ ഹരിപ്പാട് ജുഡീഷ്യ ൽ ഫസ്റ്റ് ക്ലാസ് മജിസ്ട്രേറ്റ് കോടതി മുമ്പാകെ ഹാജരാക്കി റിമാൻഡ് ചെയ്തു.